عندي 10 سنين خبرة في التدريب مع آعمار ومستويات مختلفة، قدرت من خلالهم اساعد عدد كبير من اللاعبين يوصلوا لهدفهم ،سواء بتطوير مهاراتهم الكروية او تحسين ادائهم الرياضي وزيادة الكتلة العضلية وده من خلال اتباع اسلوب حياة بيضمن الاستمرارية والتطوير للوصول لافضل اداء.

حالياً، أنا شغال في أكاديمية بماليزيا على تجهيز اللاعبين للاحتراف في ألمانيا، والحمد لله ساهمت في تطوير 8 لاعبين بيلعبوا دلوقتي في الدوري الألماني في درجات مختلفة. ده غير عدد كبير من اللاعبين اللي قدروا يحصلوا على عقود في أندية ماليزية وقطاعات الناشئين والشباب، وده كان بالتركيز على تطوير اللاعب كفرد والفريق ككل، وبناء أسلوب لعب بيعتمد على الاستحواذ والضغط السريع، اللي خلانا نحصد بطولات كتير بفضل الأداء الجماعي وقدرة اللاعبين على اتخاذ القرارات المناسبة في الملعب.

والحمدلله بسبب النجاحات دي مع اللاعبين وإدارة الفريق والاباء، تم تعييني كمدير فني للأكاديمية، ومسؤول عن وضع الخطة الفنية السنوية والمنهج التدريبي لكل الأعمار (من 6 لـ 18 سنة)، بما يتوافق مع قيم الأكاديمية وأسلوب لعبها. كمان أنا مسؤول عن تطوير المدربين واللي تمكنت من خلاله على مساعدة عدد من المدربين في تعلم أساسيات التدريب وبناء نظام لعب للفريق وتصميم/اختيار تماري للوصول للنتائج المطلوبة للفريق.

بجانب الخبرة في الملعب، عندي خلفية علمية قوية من دراستي الجامعية في تخصص علوم الرياضة (Sports Science)، وقراءاتي وبحثي المستمر في المجالات الكروية والذهنية والرياضية، وده اللي بيخليني أعتمد على أسس علمية حقيقية في ترتيب وتكوين برامج التدريب. عشان أضمن لك إن كل تمرين له هدف.

:حاصل على شهادات

AFC (A License) الرخصة (أ) من الاتحاد الاسيوي لكرة القدم

(sports science) بكالوريوس في تخصص علم الرياضة

Strength & conditioning: APEAR Certificate 

How to work with individual technique (SoccerHub)